Tuesday, January 4, 2011

नमकीन गाणं

हे असंच अर्धवट कधीतरी मागे एकदा लिहून ठेवलं होतं. जरा ठिकठाक करुन पोस्टत आहे. गजाली हे दाखवायचे दात आहेत आणि हा खायचे... :)  इकडे काहीही चालतं!

एखादी गोष्ट पिच्छा सोडत नाही, तेव्हा त्याचा राग येतो, आश्चर्य वाटते, कधी गंमतही वाटते. मांजर पायात घोटाळत असल्यासारखं.. काही महिन्यांपूर्वी एका गाण्याच्या ओळींनी असाच ताबा घेतला होता. नमकीन चित्रपटातल ’फिरसे आय्यो’ हे गाणं.. आर.डी.बर्मनच संगित आणि आशा भोसलेंचा परिपक्व जाणता आवाज. मिठ्ठू ही मुलगी स्वप्नाळू, वेगळ्या विश्वात राहणारी आहे. थोडी थंडी, थोडे ढग लपेटून घेत ती हिमाचल प्रदेशातल्या दर्‍याखोर्‍यात फिरत गाणं म्हणते. हिच गाणं म्हणताना दाखवण ही सोपी गोष्ट नाही कारण मिठ्ठू मुकी असते. गाण्यातही तिचे ओठ हलत नाहीत. ती आपल्या मनाने गाते आणि त्याचा आनंद, ते भाव तिच्या (शबाना आजमी) चेहर्‍यावर उमटत राहतात. अशा अबोलीला आवाज द्यावा आशाबाईंनीच!

video


तर, पिच्छा न सोडणार्‍या ओळी होत्या याच गाण्याच्या आणि त्यातल्या त्यात पुढच्या कडव्याने विशेष खूष केले होते.

"तेरे जानेकी रुत मै जानती हू 
मूड़के आनेकी रीत है के नही?
काली दरगासे पूछूंगी जाके
तेरे मनमें भी प्रित है के नही?"

PS- प्रिय गुलजार, आम्ही तुमच्या कैदेत आहोत आणि नेहमीच राहू!

No comments:

Post a Comment